🌸السلام عليكم🌸 صديقاتي الطموحات
💌 لقد رأيت أن الكثير منكن تشاركن بتحفيزنا بأي شيء تعرفنه لذلك قررت اليوم أن أشارككن ببعض التطبيقات التي إستفدت منها 
😊 1/keep me out.
هذا التطبيق نستخدمو باه نقص من ساعات إستخدامي للهاتف مليح بزاف في ليامات تاع لقراية بفضل هذا التطبيق رح تقدرو تقرا بلا ما تجيكم هذيك النفحة تاع تهزو التليفون لأنكم كل ما تفتفو فيه قبل ما يخلص الوقت يطفا في وجوهكم
😂.2/نبض.
هذا العام كان من بين أهدافي نعود نتفرج الأخبار باه نعرف وش راهو يصرا في العالم و بما أني مانلحقش على وقت عرضها في التلفاز نشوف في هذا التطبيق و نعرف وش راهو صاري.
😊3/ Duolingo.
كاين بزاف بنات هنا إستعملوه و فادهم و لي ماتعرفوش هذا التطبيق تقدرو تستعملوه لتعلم اللغات فيه حتى كيفاه تنطقي سما تعلمي تكتبي و تهدري ثاني اللغة لي حابتها.
4/ أذكار المسلم.
هذا ثاني تطبيق مفيد بزاف لأنو ينبهك كي يلحق وقت أذكار الصباح و المساء و حتى أذكار النوم و الحاجة لي عجبتني فيه هي خاصية الآيات لي تظهر في شاشة الهاتف أظن كل 5 دقائق أو أكثر.
🌻
🌼5/ منبه الصيام.
هذا التطبيق يفكرك كي يلحق يوم الإثنين و الخميس و الأيام البيض.
🏵6/Drink water.
هذا التطبيق يفكركم بلي جسمكم يحتاج الماء بما انو كامل نعرفو بأهمية الماء للجسم و البشرة.
☺7/Good reads.
هذا التطبيق لعشاق الكتب كيما انا هههه تلقاو فيه مراجعات للكتب و رأي ناس لي قراوها.
نتمنى نكون فدتكم شوية دعواتكم
😘
💕
تطبيقات شابة اتنشا الله نجربها ... مدونة هايلة نتمنالك النجاح
ردحذف