🌍 🌍 #رحلة_ألف_ميل_تبدأ_بخطوة👣💚👇
تجوز علينا يامات تولي الكئابة البكا والسهرة الزايدة وتحسي روحك عايشة غير هكدا تفقدي الاحساس 🙄😶… تفقدي حتى شهيتك تع الماكلة 😶تع الهدرة 😣... على خاطر جاز عليك موقف ولا انسان دارلك جاست عيان ، 😥تحسي خلاص الدنيا مافيهاش امان حبيت نقولك متستنايش يجي الربيع باش الورد لي عندك يززهر أيامك . 
لانو يقال ..وإنما إزرع أزهارك بالأمل بالله وحده ومن ثم بنفسك التي تستحق كل ما هو جميل🌸.🌱
الحياه دايمًا فيها اشياء تفرّح ودايمًا فيها بدائل لكل شي خسرناه، ودايمًا فيها ناس يسخرها ربي توقف معاك كي تحسي كامل البيبان تغلقت في وجهك.. إفتحي عينيك وشوفي الحاجات لمليحة لي راهي دايرة بيك ☀️🧚🏻‍♀️💕". 
كامل نسمعوا في حياتنا اليومية ربي يغلق باب يفتح عشرة معلباليش شحال من مرة ربي ساق لينا االالطاف والتسخير في غيبه وكنا نشوفوها حاجة روتينية مي كي نقعدو وحدنا ونتاملوا في الظروف لي كنا فيها نقولو سبحان الله رحمة ربي واسعة وربي ديما معانا وتقولي "وأنني لم أكن يومًا بمفردي، يقينًا وإيمانًا وتسليمًا.😻💚"
اول حاجة لازم نتعلموها في هاد الدنيا نحبسو الجري موراها تما راح تحبس الدنيا على انهار تكسر قلوبنا وتعطينا خيبات الامل وحدة مور وحدة تتوقعي من الدنيا حاجة تعطيك الدنيا تعاسة توقع = تعاسة 
ومتقدريش تووقعي من الناس تعاملك كيما راكي حابة انتي تعلمي تمدي بلا مقابل على خاطر الدنيا متمدلناش . ربي هو لي يرزق مالا التمسي من الناس المساعدة لكن الله بيده كل شيء *مرت مريم بنت عمران بموقف عصيب ومع ذلك قيل لها*" كلي واشربي وقري عينا "
عيشي حياتك ومتقعديش غير تخمي فالله عنده حسن التدبير .
تذكري أن الله جل جلاله قال لعباده " لا تقنطوا 💕" وقال يعقوب لأولاده " لاتيأسوا "💕 وقال يوسف لأخيه " لا تبتئس " وقال شعيب لموسى " *لا تخف*💕 " وقال نبينا صل الله عليه وسلم*لأبي بكر " لا تحزن 💕
يعني علاش تحملي روحك طاقة كتر من طاقتك خلي عندك ثيقة🌸. بلي كل حاجة ماشي مليحة صراتلك جات باش تحميك من حوايج كانت شر على هديك لي صراتلك ، اامني بلي كل حاجة ربي نحاهالك غير باش يمدلك لي تخرج عليك ولمليحة لحياتك وما اخرش حاجة دعيتي بيه بزاف غير باش يجي الوقت المناسب ويرزقك بيها 💭💛
#sousou

شاركه على جوجل بلس

عن souad