نصائح ذهبية لكل فتاة في المرحلة الجامعية تجربة فتاة جامعية جزائرية مميزة

#واش #تعلمت #في #حياتي

- ما تامنوش كلش تشوفوه في الافلام.. الفيلم موراه مخرج .. سيناريست و ممثلين .. لهدا ما يلزمش تحاولو تقلدو الافلام ف اتخاد القرارات خطراش الحياة ماشي فيلم.. هي اختيارات راح ناخدوها و اللي تقدر تأثر على مجرى حياتك من بعد..

- كلش عندو نهاية .. الشباب ديالنا راح يزول واحد النهار.. العمر حتى هو .. الوقت حتى هو يطيييير.. لهادا عيشوا اللحظة ديالكم .. استافدو من كل دقيقة خطراش اللي يمشي ما 
راحش يعاود يرجع مرة اخرى..

- الشريك المثالي ما كانش .. الراجل الكامل المكمول اللي ما فيه عيب ما كانش.. ما تبقاوش تقلبوا عليه.. و لكن قلبوا على الشخص اللي فيه بزااااااف ديال الحوايج الملاح .. شوفوا الشخص اللي عندو نفس المبادئ ديالك و تشوفي نتي وياه ف نفس الحاجة.. بغيه و خليه يبغيك و عيشوا الحياة

- حنا اللي نمدو لحياتنا معنى.. جاوبوا على سؤال واحد ! علاش ترقدو وتنوضو كل نهار ؟ ادا كنتو تحسو بلي حياتكم ما عندها معنى..المشكل فيكم ماشي ف الدنيا..

- فاللخر كلش يروح ويبقى غير ربي سبحانو .. ما تطلبوا من عند حتى واحد اي حاجة و لكن طلبو من عند ربي كلش

- الوقت عملة ثمينة ..واش تحبو اللي يجي و يفرغ ليكم جيوبكم كل نهار ؟ قولو لا للناس اللي ضيع ليكم الوقت

- قدرو الناس اللي ديما تلقاوهم فوقت الشدة.. الناس اللي يبغيوكم بالرغم من كا مل العيوب اللي فيكم

- ديرو الحاجة على وجه الله و على قبل الناس.. لابغا تشوفوها صغيرة و تبان ليكم بسيطة الناس عمرهم ما راح ينساو واش خليتيهم يحسو فهداك الموقف و لا فهديك اللحظة

- قد ما كنتو متفائلين و تفكرو بإيجابية ..قد ما تجذبوا الحوايج الايجابية ليكم

- كونوا ممتنين لكلشي .. كونوا ممتنين حيت نتوما بصحة مليحة و احسن من بزاف ناس .. لانو ربي خلقكم بصورة كاملة.. لانكم قادرين تقراو و تكتبو.. لانك راكم تتنفسو بدون صعوبة .. لانو تان عندكم سقف تباتو تحت منو و ماشي ف الزنقة.. لانو عندكم عائلة ... كونوا ممتنين لكامل نعم الله خطراش نهار تحسو فعلا بالامتنان راح توليو اكثر سعادة و
راح تشوفو الحياة من الجانب لاخور.. الجانب اللي قليل من الناس يشوفوه

- باش تكون انسان هاد حاجة عادية و لكن باش تكون فيك الانسانية و فهاد الوقت بالضبط هاد حاجة نااااادرة

رانيا ن 

ان كنت بحاجة لمزيد من النصائح راسلنا على حساب 

https://www.facebook.com/profile.php?id=100028437048837

شاركه على جوجل بلس

عن Unknown