#ارجعي_لطريق_ربي_مزال_الوقت_قدامك 👣💚👇

بزاف منا نديروا ذنب نخلوه وكل شوية نعاودو نرجعوا لنفس الذنب بعد ما نتوبو ---وبديتي تتقلقي علبالي ومراكش عارفة واش ديري 💔 ؟!
ركزي معايا 💪💚👇
اول خطوة ترمي مشاكلك على ربي وهو لي قادر يخرجك من اي حاجة انتي فيها 
يعني الاستعانة بالله اول خطوة ثاني خطوة تكرهي المعصية لي راكي ديري فيها اكرهيها بقلبك كي يشوف ربي صدق توبتك واقبالك عليها واهم حاجة الصدق مع الله وهدا العنوان حطي تحتو مليون خط ✋ 💗 كل حاجة تكون بقلبنا ونيتنا كي يشوف ربي نيتك وحبك لطاعتو راح يثبتك ويردك لطريقو 💙
ثالث حاجة البعد على كل سبب يخليك ديري نفس الذنب كل مرة ، يجيك الذنب من الفايسبوك ساهلة اغلقي الفايسبوك ، متقوليش منقدرش على خاطر علبالك بلي كامل كنا عايشين بلا بيه 😟 جايك سبب الذنب من جيهة اخرى اغلقي كامل البيبان ياك يقولك الباب لي يجي منو الريح سدو واستريح 💚، كل ما تخلي سبب واحد يخلي الشيطان يدخلك منها راح تكوني انتي الخاسرة لي بنيتيه راح يطيح في ليلة وحدة واهم حاجة جامي كي ربي يردك لطريقوا تقولي خلاص تديري في بالك قلبك في حالة ثبات ديما ادعي ربي يثبتك ويردك اليه ردا جميلا ، و الحاجة الثانية الغيبة والنميمة لازم تبعدي عليهم 💔✋
عندك صحباتك كل ما تتلاقاي بيهم تولو تهدرو في الناس ديرري لي عليك تولو تتلقاو مرة على مرة ، عندها يومين كنت طالعة وهابطة في الفايسبوك لقيت منشور مكتوب فيه كي تولي الذنوب بزاف ربي يولي ما يبركش وقتنا يعني نولو نرقدو ناكلو وخلاص عايشين هكدا وخلاص تما قعدت مع نفسي وقلت صح ديفوا كي نبعدو على ربي ونولو تاخير صلاة ونميمة وغيبة ، نولو منحسوش بالوقت وحلاوتو يضيع في حوايج تافهة 😟
واهم نصيحة نقدر نخليهالك الصحبة الصالحة ياك يقولك قولي معامن تمشي نقولك شكون انت ويقولك الصاحب ساحب مهما تكون راح يشدك لطريقو 😟 فاختارى دايما رفقاء للجنة شدي فيهم بقلبك خيري لي تنصحك لي توقف معاك وتعينك على طاعة ربي 💚🌸✋ ربي يرزقنا التوبة النصوحة والثبات يا رب 💙 ✌🌸
كوني كيما تحبي انتي .وما تسمعي كلمة حتى واحد .🌸~
(كوني صديقة لمصحفك 📖 ،فانه ينطق حين تبعثي)😍
اباك وامك زرعا وردة🌸 في هذه الحياة🗯️ ومع مرور الايام سينبت لك شوكاً 🌿تشقين به الطريق محاولة الابتعاد عن كل الطامعين في اخراجك من دائرة البرائة وتحويلك لانسانة ذات شراسة 💥لا تدعيهم اخيتي اثبتي .. كوني انتي الساقي لتلك الزهرة اسقيها 💙
علماً،💜 تعبداً،💛 حياءً،💚 وجمالاً. 🧡
اتعلمين انتي نعم انتي مصحفك على عليه الغبار ..📩
سجادتك استوحشت دموعك في القيام ..🌟🌠
ومسبحتك اشتاقت دفئ اصابعك 📿.
ارجعي لطريق ربي مزال الوقت قدامك 🌸🌸
#sou♡sou

شاركه على جوجل بلس

عن souad